كتب المحلل السياسي الصحافي علي يوسف: اميركا قررت تمديد ما يسمى مهلة تنفيذ اتفاق وقف النار (مهلة العار لتدمير القرى اللبنانية واستمرار عدوان الاذلال )الى ١٨ شباط …
هلق مطلوب من هوكشتاين كم اتصال وبتمشي الاوركسترا وفي ناس بالاوركسترا بتمشي بلا اتصال .!!! بس هيدول يللي بيسموهم سلطة بدهن اتصال حتى يبرروا طاعتهم ..!!
يا زلمي كيف صارت اميركا وبكل وقاحة بتقرر وبتفرض علينا كل شي بدو ياه الكيان الصهيوني ..!!! يا لطيف شو عمل “سحر ” هوكشتاين ….!!!
وشو هالصدفة انا وعم اكتب صدر بيان الاوركسترا بيان ممثل الادارة الاميركية على رأس الحكومة اللبنانية نجيب ميقاتي ….
بس لازم نسأل ميقاتي والرؤساء يللي تشاور معهم قبل اصدار بيانه شو يعني وافقوا على تمديد المهلة ؟؟؟؟؟ يعني عرفوا انو بعد في كم بيت ما تم تدميرهم وبيحتاج الجيش الصهيوني لشوية وقت حتى يدمرهم وانو في بعد شوية بنية تحتية وطرقات ماتم تدميرها وبيحتاج تدميرها وقت حتى ١٨ شباط فلازم يعملوا التمديد ..؟؟؟؟؟؟
ما بيكفي انها مهلة ذل وعار كمان وافقوا على تمديدها ؟؟؟؟…
من اي طينة جماعة الاميركان في لبنان ؟؟؟
وشو منقلهم للشهداء والجرحى يللي استشهدوا او جرحوا اليوم خلال زحف الكرامة على الجنوب ؟؟؟؟؟
منقلهم لازم تتمدد مهلة الاذلال ؟؟؟؟؟؟
اكيد عندنا سلطة فيها شوية وطنية ؟؟؟
شو هالاستهتار بالناس وبالكرامة الوطنية ؟؟؟
دغري بلعوا تصريحات الاشادة بالناس والجيش ووووو؟؟؟؟؟؟؟
طيب اذا صار ١٨ شباط وقرر الجيش الصهيوني انو بدو مهلة جديدة وحابب يزيد الاذلال بالتدمير وبالمسيرات وغيرها شو بيعملوا ؟ ؟؟؟
هيدي سلطة بتلعّي النفس .. سلطة تجارة مش سلطة وطنية ومفكرين البلد دكانة مش دولة ومفكرين الناس عبيد مش مواطنين ؟؟؟؟!!!
(مهلة العار لتدمير القرى اللبنانية واستمرار عدوان الإذلال )
