علي يوسف
دعا هوكشتاين الى اعادة الوضع في لبنان الى ماقبل طوفان الاقصى وهيك اميركا بتسمح بجر الغاز المصري والكهرباء الاردنية الى لبنان ..؟؟ في اكتر من هيك مسخرة واذلال للبنانيين ..؟؟!! نظرة هوكشاين للمسؤولين اللبنانيين والقوى السياسية نظرة خاصة يبدو فيها معرفة عميقة ناتجة عن المباحثات الفعلية مش المعلنة .. وهيي النظرة يللي بتسمحلوا انو يستخف بعقول اللبنانيين وبكرامتهم ..؟؟ وانو يعتبرهم ناس بيقدر يشتريهم بنفس الوعد الكاذب اكتر من مرة ..؟؟ حقيقة لازم نسأل ليش هالاستخفاف بالكرامة وبالفكر عند المسؤولين اللبنانيين والقوى السباسية ..؟؟ على كل حال يللي بيستقبل هوكشتاين بعد هالاذلال هيدا بعتقد بيستاهل ..؟؟!!!ولمناسبة هالاذلال اعتقد ان افضل حل لانتخاب رئيس جمهورية في لبنان هو بالطلب الى ما يُسمى الموفد الاميركي وهو الصهيوني هوكشتاين ان يغيّر دينه وأن يعتنق المارونية وهذا امر بسيط عليه فهو صهيوني ولكن في نفس الوقت موفد اميركي ومعلم في لبنان على الحكومة ومعظم القوى السياسية يجرها حيث يريد وبالتالي ليس صعبا ان يتحول الى ماروني لبناني .. وهيك الكل بينزل بينتخب هوكشتاين رئيس جمهورية فعلي ومعلن للبنان ” وبكل ضمير تبعية وانصياع مرتاح ” وبيحللنا كل الازمة من الحدود الى النتقيب عن النفط والغاز الى الكهرباء الى المياه الخ …وهيك بيصير لبنان شريك كامل فعلي للكيان الصهيوني مش بس شريك بالبلوك رقم ٩ وبواسطة وسيط هو شركة توتال … وهيك كمان بيصير في موسم سياحة …!!وهيك ما في ضرورة يطالب الموارنة باستعادة صلاحيات رئيس جمهورية لأن هوكشتاين بيملك كل الصلاحيات و واكتر من صلاحيات ملك .. وهيك منرجع نتمتع بالميزة والمعجزة اللبنانية وهيي انو يحكمنا انتداب او وضيّ وبترتاح معظم القوى السياسية من غلاظة يللي بيسموهم سيادة حقيقية وكرامة وطنية والتزام قومي وهوية عربية ومنخلص من قصة انو “لبنان ذو وجه عربي ” وبيصير لبنان بلا وجه بيصير كله قفا …!!!!وعذرا على التوقف هنا … !!!
