علي يوسف
اكبر وأوقح مسخرة عم يمارسها يوميا وعلى مدى الساعات الاعلام اللبناني والسياسيين اللبنانيين لما بيوصفوا استمرار العدوان الصهيوني وإن بوتيرة اخف انو هيدا خرق لاتفاق وقف اطلاق النار …!!!!
وبيصيروا يقولولك صار العدو عامل فوق ال٣٠٠ خرق وانو عم يتوغل لمناطق جديدة ماوصلّها “وقت العدوان ” وبيفجر منازل وبيجرف طرقات وقال بيسموا هيدول خرق…؟؟!!!
اذا هيدول خرق !لكن العدوان شو هوي ؟؟؟ وبعدين ليش كان في وقف اطلاق نار بالاساس وهيدول صاروا خروقات عليه ؟؟؟ ما من الأساس ما وقف اطلاق النار. ..!! صحيح ما في غارات على الضاحية وبيروت بس عم يصير في غارات على البيسارية بالزهراني ومسا اليوم الخميس صار في غارتين ب إقليم التفاح قرب جباع وقبلها بالبقاع …!! وبعدين اذا بدن يعملوا غارة على الضاحية مين بيمنعهم ؟؟ واذا في حدن يمنعهم ليش ما منعهم يستمروا بالعدوان لهلّق وانو يعملوا غارات على اقليم التفاح والبقاع ؟؟؟
وأسوأ شي انو كان في فريقين بينفذوا تعليمات العدو وبيعدّوا الخروقات .. هلق زاد عليهم فريق جديد بيعد الخروقات هوي المقاومة ..؟؟؟!!!! وأسوأ شي انها بتسمي العدوان المستمر خروقات وكأنو العدوان وقف وصار وقف اطلاق نار وبعدين صار في ” خروقات ” وهيي الحقيقة انو يللي التزم بوقف اطلاق النار هيي المقاومة فقط ومن جانب واحد ؟؟؟..!!! قال بدن يثبتوا انو هيدا العدو ما بيحترم الاتفاقات ؟؟؟؟؟!!!!
هلق اذا بعد كل هالاجرام والابادة الجماعية بغزة والمجازر المتنوعة على مدى تاريخ هذا العدو الصهيوني ما اقتنعنا انو هوّي ومعلمه الاميركي ما بيحترموا اتفاقات ولا قانون ولا قيم ولا انسانية منكون بلا عقل وفي قمة الغباء ..!!!!!
منترجاكم وقف هالمسخرة وخللي السلطة اللبنانية يا تترجى الاميركان ويطلبوا منهم الطلب من العدو “تخفيف عدوانه ” لأنو مش رح يوقفوه للعدوان ولا الاميركان رح يطلبوا هالشي ؟؟ بس على القليلة السلطة بلبنان بتمارس هوايته وهيي الاستجداء للحصول على كل شي حتى الكرامة ؟؟؟؟ او يخرسوا الكل “وحسبي الله ونعم الوكيل ” ..!!؟؟؟؟؟؟
على فكرة جايي هوكشتاين ولازم ننتظر شي فخ جديد (حتى مانسميه شي تاني وهوي الحقيقي ) بعد فخ الترسيم البحري وفخ استئناف التنقيب وفخ اتفاق وقف اطلاق النار ..؟؟؟؟
تعود علينا هوكشتاين وصار بيعرف اننا منحب ننلدغ من الجحر ١٠٠ مرة وانو صرنا لا احساس ولا كرامة …!!!!!
