أقامت جمعية المسؤولية الإجتماعية اللبنانية LSR حفل عشائها السنوي في مطعم Bmehrine village جبيل وحضره :
النائب سيمون ابي رميا ، إمام مسجد جبيل الشيخ أحمد اللقيس ،النائب نعمة افرام ممثلا بالمهندس يوسف فاكية، مدير عام مؤسسة مياه بيروت وجبل لبنان المهندس جان جبران ، رئيس رابطة المخاتير ميشال جبران وعدد من المخاتير ، نائب رئيس مركز الصليب الأحمر في جبيل كابي ابي خليل وعدد من رؤساء الجمعيات الخيرية والثقافية والاجتماعية ، اندية رياضية ، فاعليات جبيلية أعضاء وأصدقاء جمعية LSR
بداية ، النشيد الوطني اللبناني افتتاحا، فكلمة أمينة السر المحامية باميلا جورج حبيب ، قالت فيها :
رغم قصر الفترة الزمنية على تأسيس الجمعية (LSR) ، ورغم ضعف الامكانات المادية استطاعت بفضل الله وبفضل العزيمة القوية للمشرفين عليها ان تساهم في تنمية المنطقة على نحو من التضامن البناء والتشارك الخلاق والعمل الهادف، انطلاقا من غيرة وطنية صادقة واستنادا إلى الاحساس العميق بالانتماء إلى مدينة الحرف Byblos جبيل.
زيدان
المدير التنفيذي” للجمعية” ايلي زيدان قال في كلمته :”
تحية للجميع وبرحب فيكن فردا فردا
وبشكر وجودكن معنا الليلة ودعمكن لإلنا
كل يوم بحياتنا منعتبرو هدية ونعمة …. و قدي بكون أجمل لما بيتزين بأعمال بتشبهنا
ولما منجرب ننطلق من الواقع لنغير مستقبلنا
مش صدفة جمعية المسؤولية الإجتماعية اللبنانية هي جمعية شبابية
ومش صدفة إنو مركزها الاساسي مدينة جبيل
lsr هدفها يلي تأسست كرمالو كان ورح يضل ينطلق من الواقع يلي من عيشوا ويبني مستقبل وجيل جديد.
من مجموعة صغيرة تشاركت فكرة لجمعية بتطرح أفكار هيك بلشنا و لهون وصلنا . رسمنا طريق وقررنا نمشيا سوا متطوعات ومتطوعين كرسو وقتن لخدمة المجتمع مآمنين إنو سوا رح فينا نوصل لبناء مجتمع أفضل .
الطريق ما كان سهل
الوضع الاقتصادي و الامني بلبنان كان عائق كبير و ما بدنا ننسى كمان ضعف التمويل للمشاريع الانمائية يلي انحرمت منا مدينة جبيل على مر السنين مع العلم إنو lsr جمعية قائمة على التمويل الذاتي و مع هيدا كلو ما وقّفنا .
من سنة لسنة كبرت العيلة
من سنة لسنة كبر الأمل
و من سنة لسنة صار المشوار أصعب والمسؤولية أكبر
بس الاستسلام ممنوع والهزيمة ما منعرف طريقا. كرمال مجتمعنا وكرمال جبيل مدينتنا رح نكفي المشوار .”
