كتب أمين صندوق نقابة محرري الصحافة اللبنانية الزميل علي يوسف على حسابه في مواقع التواصل الإجتماعي: صدر بيان عن رئيس الحكومة حول قرار التجديد لقوات اليونيفل بيشكر الولايات المتحدة الاميركية “لتفهمها للخصوصية اللبنانية ” مع انو البلد على قد ما بيشكر فرنسا واميركا والسعودية …الخ صار بلد عمومي مافي شي خصوصي وصار بيستحق تعرفة ….
رغم اني بعرف انو ” بالشكر تدوم النعم ” بس ما فهمت شو هيي الخصوصية المقصودة … ؟؟؟
بعدين ليش ما تفهمت هالخصوصية وقت يللي ضغطت على المصارف للاقفال في ٢٠١٩ وبعدين ضغطت على مصرف لبنان والمصارف لإخفاء الودائع وعملت الحصار والازمة يللي عم نعيشها لانها بدها تعاقبنا على وجود المقاومة ..؟؟؟؟
ليش ما تفهمت الخصوصية بأزمة الكهرباء وبكل الازمات يللي عم نعيشها ؟؟؟
بدكن تعرفوا ليش تفهمت الخصوصية بهيدا القرار ..؟؟ لأنها عم تحاول مع مجموعة من اللبنانيين جماعتها اما بالضغط او بالاحتيال لاخراج لبنان من الحرب مع العدو الصهيوني عن طريق انتهاز اي فرصة للعودة لتطبيق ال ١٧٠١ على الطريقة يللي كانت معتمدة .. يعني اعتداءات صهيونية من دون رد لبناني ..!!! وترييح العدو في الحرب لتصفية القضية الفلسطينية والعودة لاستكمال مسيرة التطبيع وتعزيز ميزان القوى الاقليمي لمصلحة الكيان الصهيوني وبالتالي لمصلحتها ومصلحة الغرب ..؟!
وهيدا طبعا خدمة للكيان الصهيوني يللي مهدد من المقاومة بلبنان مش خدمة للبنان متل ما جماعتها مشغلتهن يروجوا ليل نهار ….
قال مراعاة خصوصية ..!!! ؟؟؟؟؟؟
