علي يوسف
لما بيوصل وضع الكهرباء للقطع الشامل وانت عم تدفع فواتير نصب واحتيال وتسعير و فواتير بالدولار …
ولما بتسمع شو عم يقول ما يسمى بوزير الطاقة واذا كنت شاطر وفهمت …علما انو ما بيفهم عليه لا شاطر ولا اهبل لأنو هيدا يللي بدو ياه ….
ولما قال من بعد ما تقطع الكهرباء بشكل شامل بيصيروا يترجوا مجلس ادارة الكهرباء ليجتمع وبيعملوا جهدهم لتأمين النصاب وانو يجتمع برئاسة الاكبر سنا (لانو رئيس مجلس الادارة باليونان ؟؟!!!!!!) قال للموافقة على استعارة كمية صغيرة من الفيول من منشآت النفط يللي بتملكها الدولة والآمر الناهي فيها وزير الطاقة لتأمين شوية كهرباء للمرافق الاساسية ؟؟؟!!!!!
ولما ناطرين الشباب وناطر معهم البلد رئيس مجلس ادارة الكهرباء تيرجع من اليونان الاثنين حتى يرجع يجتمع مجلس ادارة التعتيم عفوا الكهرباء حتى يوافق على شراء الفيول او الغاز من مصر ومن غيرها …
ولما وزير فقدان الطاقة ساعة بيقول فيول وساعة بيقول غاز. ومش مفهوم ليش هلق وليش بعدين وكيف ؟؟؟ …. وخرب الكومبيوتر لانو كل المعطيات مش ظابطة ولا فيها ذرة عقل ومنطق ؟؟؟؟؟؟؟
ولما الكهرباء بح …!!! بس حتى زعران الاحياء صار عندهم مؤسسات كهرباء وبتمشي على الوقت وبتأمن محروقات وبتعرف تتعامل مع الازمات وحتى احتمال الازمات …..؟؟؟
بس تكون بهالوضع بتعرف بأيّ يللي بيسموه بلد عايش ؟؟ وبتعرف شو يعني الحكومة بلبنان ؟؟؟ وبتعرف اي مسؤولين ( عفوا من كلمة مسؤولين !؟) عندك ..!!؟؟
ياريت بيجيبوا شي ازعر ناجح يكون وزير كهرباء من اصحاب الموتورات بللي اقوى من يللي بيسموها عنوة دولة في لبنان بدل الزعران الفاشلين يللي بيسموهم تكنوقراط يللي حاطينهم لتأمين خدمة الناس بالخدمات والحفاظ على اموالهم وتأمين حد ادنى من العيش الكريم ؟؟؟؟…. ومش طالبين منهم تأمين السيادة والكرامة الوطنية في مين عم يهتم بهالموضوع وياريت بيتركوهم لوحدهم يهتموا بهالموضوع لانو اذا تدخلت فيه هيك حكومة بيصير بالسيادة والكرامة الوطنية متل ما صاير بالكهرباء …..!!!!!!!!!
