-انتو ما عشتوا زمن تسلّط الميليشيات بس عم تعيشوا زمن تسلّط منظومة الفساد …وهي ذاتها. لهيك نحنا ما رح نسمح للعقل الشيطاني الميليشياوي ياخدنا على مغامرات انتحارية متل ما اخدنا بالماضي بالحرب اللبنانية -صحيح إنو النهر بيحافظ على نفس المجرى ميّات ألآف السنين بس المي بالنهر بتتجدّد كل يوم. هيك التيار بيحافظ على مبادئه وقيمه ولكن بيجدّد اسالبيه وأجياله -إعادة النظر بخياراتنا بالناس وبسلوكنا مسألة صحية بتخلّينا نستفيد من التجربة يلّي ورانا ونفهم شو المطلوب منا حتى نكمل لقدّام -يلّي ناضلوا، وكلّنا ناضلنا، حقّقوا انجازات كبيرة ولهم كل التقدير والاحترام. منهم مين حارب واصيب بإعاقات جسدية واستشهد او فقد اهل واحباب أو خسر فرص ومال ومصالح؛ ولكن المناضل بيناضل بصمت وما بيربّح حدا جميلة! والنضال بيعلّمنا اوّل شي التواضع -الالاف ناضلوا بصمت والقلال يلّي وصلوا للمناصب ما بيحقلّهم يشوفوا حالن على المناضلين الساكتين، ولا يربّحوهم جميلة! تربيح الجميلة بيسيء للنضال ولفكرته -التيار جسر تواصل مع الجميع وبين الجميع. نضالنا اليوم هو ضد قطع التواصل بين اللبنانيين يلّي اذا حصل، بيتحوّل لصدام مدمّر. نحنا ضد الصدام ومع الحوار مهما كان صعبممنوعة الحرب بين اللبنانيين… نحنا رافضين نعمل حرب مع اسرئيل الاّ اذا هي هجمت علينا: فكيف ممكن نقبل نتقاتل مع بعضنا بالسلاح؟ هيدي مرحلة الميليشيات يلّي عم يحلم فيها البعض انها ترجع ليسيطر… ممنوع ترجع! بالنسبة إلنا، أمن المجتمع اللبناني فوق كل إعتبار -التيار مثل الجسم بيجدّد خلاياه وبينقّي حالو، مش بس من الأشخاص، كمان من بعض الأفكار ومن أساليب التعامل والنهج بالتعاطي مع بعضنا ومع الآخرين -يلّي فلّوا منحفظلهم المراحل النقية من النضال بس ما منخفي الأذى يلّي تسببوا فيه بحق التيار يلّي صنعهم -التيار هو نضال الناس يلّي تضحياتهم هيي إسترجعت المواقع ووزّعت المناصب على يلّي اخدوها بفضل الناس واصواتهم -من دون فضل الناس، حدا يخبرنا من كلّ يلّي عم بيربّحوا التيار جميلة شو كانوا قادرين يعملوا لوحدهم؟-انا ملتزم بالولاء للتيار وبميثاقه وبشرعته المناقبية- انا ملتزم بنظامه وبمؤسسته الحزبية. انا ملتزم بمبادئ التيار واخلاقيّاته وقضيّته، وبنضال شبابه وصباياه -انا ملتزم بالحرية والسيادة والاستقلال – انا ملتزم بالصمود والبقاء والوجود الحرّ.انا ملتزم بالتغيير والاصلاح – وملتزم بمحاربة الفساد والمنظومة يلّي راعيته -انا متلزم باستعادة الأموال المنهوبة والمحوّلة للخارج وبالتدقيق الجنائي وبالعمل لاستعادة اموال المودعين ولو جزئياً، والعمل على محاسبة يلّي سارقينهم -انا ملتزم برفض التوطين ومحاربة النزوح واللجوء والعمل على عودة النازحين واللاجئين -انا ملتزم بتحقيق اللامركزية الموسّعة وملتزم بالعمل على انشاء الصندوق الائتماني والسيادي -انا ملتزم بمواجهة كل مغتصب ومعتدي على ارضنا واوّلهم اسرائيل وداعش وكلّ المنظمّات الارهابية، وملتزم بعلاقات جيّدة مع محيطنا والعالم وعلى رأسهم سوريا -انا ملتزم العمل على تحقيق الدولة المدنية واذا فشلت ملتزم بالعمل على ايجاد نظام مناسب لنا منتوافق عليه كلبنانيين. انا ملتزم بالتعدّدية والتنوّع وبالحفاظ على وحدة لبنان والقبول بالعيش معاً ولو مختلفين -انا ملتزم بالحفاظ على حقوق من امثّل، مين ما كانوا، والحفاظ على خصوصيّة الجماعات بلبنان من ضمن وحدة لبنان -انا متلزم بالتيار الوطني الحرّ وبطلب من كلّ واحد منكم يكون ملتزم متلي بالتيار الوطني الحرّ، نواب ومسؤولين ومنسقين ورؤساء لجان مركزية ومنتسبين وملتزمين ومناصرين اعزاء
