علي يوسف
في ناس مفكرة انو سياسة القضم التدريجي وخلق امر واقع تدريجي هيي مدرسة ناجحة في كل الظروف …؟؟!!!
وهيدا الشي فيه تقليد (سعدنة ) للاسلوب الاميركي والاسلوب الصهيوني …؟؟!!
هيدول عم يشوفوا ان الصهاينة عم يقضموا الاتفاقات بخروقات تتحول الى استمرار العدوان تحت عنوان خروقات وخلق امر واقع يمكنهم من تصاعد في فرض الشروط على نحو متناسب مع تطور القضم وتوسعه ..؟؟!!
وهيدول مفكرين انو المقاومة تعرضت لضربة قاسمة و مستمرة وانو الجيش الصهيوني ما رح يسمحلها تتجاوزها ومنشان هيك ما عم ترد وعم “تتحجج “وتعلن انها تاركة امر التحرير والاعمار للدولة نتيجة عجزها وتدمير قدراتها واكبر دليل تنازلاتها في بناء السلطة الحالية وقبول املاءات اميركية وسعودية ماكان يمكن ان تقبلها لو لم تكن باتت عاجزة عن التصدي ..؟؟؟!!
وهيدا الفريق السباسي الموجود حاليا في
السلطة أو يحاول يركب موجة تبني السلطة يللي بيعتبر انها موالية لمعلمينه في الغرب عم يحاول انو يقلد طريقة القضم ولكن بالسياسة معتمد على رواية هزيمة المقاومة النهائية فيتصرف وكأن المقاومة انتهت وسلمت امرها ويحاول فرض سياسات تقضم وجود المقاومة في اتجاه خلق امر واقع يتجاوز وجود المقاومة عمليا ويفرض عليها التنازل التدريجي بالنقاط وصولا الى جعل امر سلاحها ووجودها شيء من الماضي كما يحلو للبعض ان يقول وبحيث يصبح وضع لبنان تحت الانتدابين السياسي والاقتصادي امر واقع و يصبح لبنان محاصر بتدابير كبيرة يصعب تجاوزها من دون كلفة كبيرة جدا تضع المقاومة في موقع يصعب فيه تحمل هذه الكلفة ..؟؟!!!
هؤلاء يعتبرون وكأنهم وكلاء للسياسة الاميركية ويتصرفون انطلاقا من انهم يمتلكون قدراتها وينسون انهم مجرد اتباع كما غيرهم الكثير من القوى في المنطقة يستخدمهم معلمهم الاميركي كأوراق آنية يمكن ان يرميها في اي وقت لحسابات وتسويات يراها ضرورية ؟؟!!!
نصيحة .. يللي بدو يتنطح لخطوات كبيرة لازم تكون حساباته صحيحة ..!! و يللي بدو يقضم لازم يكون عنده اسنان قوية مش غيره بياكل وهوي بيجتر .. وبعدين بس يجوع بيعرف انو كان عم يجتر مش عم ياكل … وبالآخر بيطلع آكل هوا ..!!