هيدا تذاكي علينا

كتب المحلل السياسي الزميل علي يوسف على حسابه: رغم كل ما جرى ويجري بيطلعلك واحد يقدم اقتراح انو لبنان لازم يعلن وقف اطلاق النار ..قال والهدف تعرية الكيان الصهيوني يللي هوي بيسميه اسرائيل …
قال انو هوي ذكي ومعجزة اكتشف طريقة “لتعرية اسرائيل “…
الهيئة مش مقتنع انو كل المجازر يللي عملها جيش الكيان والدمار وقتل الاطفال والنساء و الشيوخ وكل المدنيين وتدمير المستشفيات والمدارس ودور العبادة كانت كافية لتعرية اسرائيل …!!! لو انو يللي بيسموه مجتمع دولي بيشوف بالعينتين ..!!!! ومقتنع انو وقف اطلاق نار من قبل لبنان وعدم التزام الجيش الصهيوني فيه بيعري اسرائيل ..؟؟؟؟؟؟؟؟؟؟؟؟
ما شايف اهبل من هيك تذاكي ولادي ….!!!
ما سأل حالو ليش ما تعرّت اسرائيل لهلق عند “اصدقاء لبنان ” واصدقاؤه يللي داعمينها لتدمير لبنان وقتل الشعب الفلسطيني ؟؟..
بالحقيقة هيدا تذاكي علينا مش على معلمينه الغربيين وخصوصا الام فرنسا …!!!!!!
هيدي وحدة من افكار التذاكي يللي بتصب كلها بتنفيذ يللي بدها ياه اسرائيل متل ما بيحب يسميها ..!!! على طريقة انو اذا بدك تحفظ لبنان نفذ كل مطالب اعداءه ما بيعودوا يعملو حرب عليه وهيك بتكون حافظت على سيادتك ..؟؟؟ !!!!في اضرب من هيك تذاكي ..؟؟؟؟
وحتى يبين انو هوي عم يقترح هيك من موقع “قوة” بيعملوا جملتين اشادة بالشهداء و تحيات للنضال ..؟؟؟ بس ما بينسى انو يرفق هالإشادة بالقول انو الموضوع يللي استشهدوا من اجله ما خصنا فيه وما استشهدوا دفاع عن الوطن ….
شو هالتذاكي والخزعبلات الولادية ..؟؟؟